WILLEMSTAD – Djabièrnè, 22 di Novèmber di 7or pa 8or di anochi miembronan hóben i adulto di Scouting Antiano e asosashon di Scout di Kòrsou a partisipá aktivamente na parti di e selebrashon di e fiesta di Kristu Rei ku tabata e 40 ora di adorashon na Santísimo. Esaki a kuminsá djabièrnè, 22 di Novèmber 5or di mardugá ku un santu sakrifisio na Misa di Mama di Bon Konseho na Jan Doret i a terminá Djasabra 23 di Novèmber 2019.

Scouting Antiano huntu ku AJMG, a animá e parti di e adorashon di 7or pa 8or di anochi ku lekturanan i kantikanan netamente skohe pa e okashon

Djadumingu 24 di novèmber 2019, lo selebrá e fiesta di Kristu Rei ku un Santu Eukaristia riba Plasa Brion ku lo kuminsá 6or di atardi.