Selebrashon 70 aña – Grupo di Zeeverkenners Mgr. Verriet

Nov 17, 2019

BRAKKEPUT – Djasabra, 19 di Novèmber, 2019 Grupo di Zeeverkenners – Mgr. Verriet, miembro di e asosashon di Scout di Curaçao, Scouting Antiano a selebrá e hecho ku 70 aña pasa riba un 19 di Novèmber, 1949, shete hóben ku a disidí di lanta un grupo di Zeeverkenners, den e área di Brakkeput na Spaanse Water. No a dura muchu ku e grupo aki a krese bira grandi i hopi popular bou di hóbennan ku ta gusta aktividat di awa kombiná ku Scouting.

Den transkurso di aña e grupo a konosé vários Schipper i esun di mas konosí ku nifiká hopi pa e grupo tabata Jan Ackermans, ku huntu ku su kasa Annelies, lidernan i hóbennan hopi aktivo a sòru pa hiba e grupo na un nivel hopi avansá i kompetitivo den e mundu di e spòrt di kompetensha di bela. Hopi tabata e kompetenshanan di bela ku e grupo aki a sa di konkista spesialmente den e Regata di Bonaire den luna di Òktober. Aktualmente huntu ku Annelies Ackermans, Henry Hernandez ta dirigí e grupo di Zeeverkenners.

Riba e dia di selebrashon e miembronan di e grupo huntu ku eks miembronan di e grupo, mayornan invitadonan a selebrá e echo memorabel aki. E miembronan a prepará vários aktividat di demostrashon riba e awanan di Spaanse Water i invitadonan por a dal un trep den boto den e bahia.

Pa medio di esaki Scouting Antiano kier deseá tur miembro di e Grupo di Zeeverkenners Mgr. Verriet masha pabien i hopi éksito pa futuro.

Photos by Regis F. Mercera

 

 

Contact Us


info@scoutingantiano.org

+59997374765