Proyekto “TRESE BO TAS” – Clean Up Day

Nov 13, 2019

WILLEMSTAD – Djasabra mainta, 2 di Novèmber, gruponan di Scouting Antiano e asosashon di Scout di Kòrsou a partisipá ku vários Grupo konsistiendo di Bevers, Welpen, Scouts, i Explorers kompaña ku nan lidernan na di dos evento di e promé fase organisá pa e sekshon di UNESCO (United Nations Educational Scientific and Cultural Organization) na Kòrsou ku a hiba e titulo – “TRESE BO TAS”.

Scouting Antiano a uni huntu ku UNESCO pa traha riba e proyekto di konsientisashon riba kuido di nos miedo ambiente i tambe e efekto di uso di plèstik riba e futuro di nos isla i mundu.

E kampaña “TRESE BO TAS” ta un parti di UNESCO su kampaña “BRING YOUR BAG” ku a ser lansa na e isla Jamaica.

E di dos proyekto di e promé fase, Gruponan di Scouting Antiano a hasi un limpiesa kompletu di e áreanan di Koredor i e Beach di Sonesta. Tambe tabatin hóbennan di AGPNA i klup di Atletismo Trupial ku a duna un man.

Den un palabra por bisa ku e “Clean Up Day” tabata un éksito rotundo. Pa medio di esaki Scouting Antiano kier a yama danki na tur Grupo di Scout ku tabata presente ku nan miembronan.

 

.

 

Contact Us

5 + 7 =

info@scoutingantiano.org

+59997374765