Baden Powell Toastmasters Club – International Speech Contest na Papiamentu

Oct 6, 2019

GROOT KWARTIER – Djadumingu 6 di Òktober 2019, Baden Powell Toastmasters Club, a organisá un tremendo spich kòntèst internashonal na papiamentu ku tabatin komo titulo “WELCOME TO THE JUNGLE”.

Na e spich kòntèst aki ku a tuma lugá atardi na e edifisio di JCC, a wòrdu presidí dor di “Contest Chair” – Normalien Juliana, ku a duna un splikashon di e reglanan i sekuensha di e spich kòntèst.

Na e spich kòntèst a partisipá tres miembro prominente di Toastmasters Club Baden Powell, ku ta;

  • TM – Frendsel “Pappy” Lacruz, a presentá e spich titulá “Kon mundu lo tabata sin boluntarionan ku ta konserva naturalesa?”

  • TM – Arjan Ytema, a presentá e spich titulá “Jumanji Curaçao”

  • TM – Ludson Valks, a presentá e spich titulá “Ban eksplorá Banda Bou”

Despues di e presentashon di e spichnan e “Contest Chair” a hasi un seshon di entrevista den kua kada un di e partisipantenan a wòrdu hasi preguntanan manera kon nan a haña e inspirashon di nan spich i hopi otro pregunta tokante nan spich.

Na final di e kòntèst a partisipá e ganadónan;

  • Na di tres lugá a Sali – Frendsel “Pappy” Lacruz

  • Na di dos lugá a Sali – Arjan Ytema

  • Na promé lugá I ganador di e spich kòntèst a Sali – Ludson Valks

Miembronan di Toastmasters Club Baden Powell kier a yama VP Education – Farrahnedy Nicastia I su tim organisadó i tur ku a duna un man pa e spich kòntèst aki tabata un éksito masha pabien ku e organisashon di e tremendo Spich kòntèst ku a deleitá tur presente.

I un pabien en partikular na tur e partisipantenan di e spich kòntèst ku a sabi di hinka nan tempu i amor pa por a traha spichnan edukativo i elokuente.

Bo ta interesá pa djòin Toastmasters Club Baden Powell, wèl kontakt nos via e link aki:

BP Toastmastersclub

 

 

 

Contact Us


info@scoutingantiano.org

+59997374765