WILLEMSTAD – Dia 5 di desèmber 2019, Grupo di Scout Pader Amado Römer, miembro di Scouting Antiano e asosashon di Scout di Curaçao a selebrá e hecho memorabel ku nan grupo di Scout a kumpli 20 aña di eksistensha.

Den un resepshon na Adrianna’s Reception Room, dia 7 di desèmber 2019, e Miembronan di e Grupo, huntu ku nan mayornan i invitadonan a selebrá e hecho memorabel aki.

Despues di un diskurso di e GL di e grupo Jennifer Demali a pasa na anunsio i premiashon di Lider, Explorer, Scout, Welp i Bever di aña.

Scouting Antiano kier a yama tur miembronan di Grupo Pader Amado Römer, ku e selebrashon di nan 20 aña i ku e Grupo por sigui krese.

Photos by Regis F. Mercera