Selebrashon di Dia di Boluntario 2019

Dec 8, 2019

GROOT KWARTIER – Dia 5 di Desèmber 2019, e asosashon di Scout di Curaçao – Scouting Antiano a selebrá huntu ku su lidernan i invitadonan e DIA BOLUNTARIO 2019.

Nashonnan Uni a dekretá di 5 di desèmber komo e dia di Boluntario Internashonal, rònt mundu organisashonnan ku ta traha ku Boluntario ta para ketu na e dia aki i ta honra nan miembronan ku ta duna un kontribushon balioso na nan komunidat, i pais ku e oranan ku nan ta duna boluntariamente pa yuda den un òf otro kousa pa esnan ku tin mas meter di esaki.

Scouting Antiano rekonosiendo e echo importante aki ta selebrá tur aña di nobo ku lidernan di nos organisashon dia di boluntario ku un selebrashon chikí i pero ku hopi balor di importansha.

Komo parti di e anochi di selebrashon aki a rekonosé tur e miembronan di kada grupo ku un sertifikado speshal pa e dia aki i kada grupo a skohe e lider ku mas a sobresalí den e aña ku a pasa.

Pa medio di esaki Scouting Antiano kier a yama tur lider di nos organisashon Pabien ku dia Boluntario i ku Gran Hòpman Bendishoná boso tur.

Photos by Regis F. Mercera

 

Contact Us

12 + 1 =

info@scoutingantiano.org

+59997374765