GROOT KWARTIER – Djasabra 22 di Yüni 2019, Scouting Antiano, su ekipo di Rekurso Humano, a organisá, un kurso di introdukshon,  pa 29 lider aspirante.

Pa ta un lider sertifiká, nos lidernan aspirante mester pasa dos kurso esun di introdukshon i esun básiko. Despues di terminá e kurso básiko e lider aspirante lo haña un tarea ku e mester kumpli kuné bou di guia di un mentor. Despues di terminá e tarea ku éksito, e lider aspirante por haña su sertifikashon komo lider pa asina e por karga e responsabilidat den su sekshon.

Pa medio di esaki Scouting Antiano, Kier a yama tur lider aspirante ku a dal e promé paso pa nan formashon komo lider di Scouting Antiano Pabien.

E reto ta, pa tur lider aspirante ku a pasa e kurso di introdukshon aki, wòrdu sertifiká huntu…Ban Pe Scoutnan !!!!!