RONDE KLIP – Djasabra 15 di Yüni 2019, na Sentro di Kampamentu di Scouting Antiano a tuma lugá un treinen pa e sekshon di Tropa pa Scoutnan di Distrikto 3, ku a wòrdu yama “Learning by Doing”. E meta di e dia di treinen tabata pa Scoutnan, na un forma hopi kreativo i aktivo reta kada un di Scout pa siña i pone den práktika tur lokual ta forma parti di e bida komo un Scout. Den e dia di treinen aki koordiná dor di Grupo Feliz Chacuto, Scoutnan por a pasa na diferente pòst i haña instrukshon i material pa siñá un òf otro abilidat di Scout.

Pòstnan ku tabatin ta; kalkulá haltura, kalkulá hanchura, sjormentu, filtra awa, traha “spoor afdruk” den yesu, i EHBO

Gruponan ku a partisipá na e treinen tabata; Andre de Thaye, John F Kennedy, Amado Römer, Simon Bolivar, San Miguel, St.Tharcicius, Pierre Lauffer i Feliz Chacuto ku un total di 84 Scouts i 20 :Lider.