Nos lema pa aña 2023 tabata KRESEMENTU. Durante e lunanan di pandemia nos no tabatin aktividat. Ora nos a kuminsa bèk a resultá ku nos a pèrdè hopi miembro. Pesei nos ‘focus’ pa aña 2023 a bira KRESEMENTU. Un di e desaroyonan positivo den e sentido aki ta e hecho ku a logra aktivá un drumbènt atrobe. Riba inisiativa di nos miembronan di distrikto 3, bo di guia di e komisario di distrikto, Hopman Ludson Valks, a lanta e drumbènt di Distrikto 3 i Hopman Vernon Demali a tuma responsabilidat pa e drumbènt aki.
Un palabra di gradisimentu na Prins Bernhard Cultuur Fonds ku a yuda finansiá kompra di e instrumèntnan.
Den transkurso di añanan drumbènt semper tabata un di e fasetanan importante pa lokual ta aktividat i kara di Scouting. Aki lo por apresiá tambe algun potrèt di presensia di drumbènt den Scouting.
. 