Durante e aktividat nashonal pa habri aña 2024, Scouting Antiano a rekonosé tur lokual Alice Loos a bin ta hasi pa Scouting i pa nos komunidat en general, ortogando Alice e madaya di honor TRUPIAL NA ORO.
Scouting Antiano konosé tres nivel di medaya di honor. Esakinan ta KOLIBRI, TRUPIAL NA PLATA I TRUPIAL NA ORO. Alice Loos a haña e máksimo medaya di honor, por sierto bon meresí.
Aki un resumen chikí di lokual Alice a hasi i ta hasiendo.:
- Miembro di direktiva di Totolika pa hopi aña.
- Miembro di direktiva di Special Olympics, enkargá ku reklutamentu di boluntario.
- Lider di Bever den grupo di Scout Feliz Chakutu.
- Fundadó di grupo di Scout Nafasi, un grupo pa hendenan ku desabilidat mental.
- Miembro di ret di desaroyo di programa den Scouting Antiano.
- Miembro di Baden Powell toastmaster.
Alice pabien. Danki pa tur lokual bo ta hasiendo pa Scouting i pa nos komunidat en general i ku nos Gran Hopman dunabo hopi aña mas pa asina bo sigui ku bo trabounan.
