ILT ta un kurso basá riba teorianan pa desaroyá abilidat di liderasgo ku ta hopi komun den mundu di negoshi. Partisipantenan ta siña rekonosé nivel di desaroyo aktual di nan ekipo (patruya/grupo) i kon pa adaptá nan propio estilo di liderasgo pa ta mas relevante pa desaroyo di nan ekipo. E kambio di estilo mester krea e posibilidat pa e ekipo desaroyá komo un ekipo independiente ku ta funshoná optimal. Tópiko di énfasis ta desaroyo di proyektonan den kuadra di ‘Messenger of Peace’
ILT 9, ta tuma lugá di 28 di desèmber 2023 pa 2 di yanüari 2024, na Santo Domingo. Meskos ku tur otro biaha, e aña aki tambe Scouting Antiano ta presente na ILT den persona di Mardjely Walle i Ashaini Martis. Nos ta sigur ku e eksperensia i konosementu ku nan lo haña, ta di gran balor pa nan desaroyo personal komo pa esun di Scouting Antiano.
