Djabièrnè 3 di novèmber, Presidente di Asosashon Scouting Antiano i tambe e Presidente di Fundashon Scouting Antiano, kual tambe ta kabesante di e ekipo pa organisá e konferensia, a biaha pa e ofisina regional di Organisashon Mundial di Scouting, aya na Panamá.
Meta di e biahe tabata pa presentá na e Komité Interamerikano algun proposishon relashoná ku e konferensha ku lo tuma lugá na aña 2025. Ta konta riba partisipashon di 200 delegado di no menos ku 34 pais di nos region.
Durante di e enkuentro na Panamá a firma e ‘Memorandum of Understanding’ (MOU) ku ta stipulá e kuadro di responsabilidat pa organisashon i ehekushon di e konferensia.
Riba e potrèt por mira (di robés pa drechi) Raul Sanchez Vaca, Direktor Regional; Rubem Perlingeiro, Presidente di Komité Interamerikano; Fritzgerald Koeiman, Presidente di Fundashon Scouting Antiano i kabesante di e ekipo organisatorio; i Riangelo Rooi, Presidente di Asosashon Scouting Antiano, despues di a firma e MOU.