KURSO PRÁKTIKO DI ‘LISTENING EARS’.
Den kuadro di nos maneho “Liber di Peliger’ ku tin komo meta pa ofresé nos miembronan un ambiente sigur, den kua nan ta wordu empoderá pa desaroyánan potensial total, Scouting Antiano a organisá su promé kurso práktiko pa ‘listening ear’. E kurso aki a tuma lugá di djabièrnè 3 pa djadumingu 5 di novèmber. Iliene Corsen, un konsultor di nos Organisashon Mundial di Scouting, a dirigí e kurso aki, ku a marka e siguiente paso riba e kaminda pa implementá e maneho liber di peliger.
