Jamboree On The Air (JOTA) i Jamboree On The Internet (JOTI) ta un aktividat mundial di Scouting. Jamboree ta un kampamentu ku Scoutnan di diferente pais. JOTA JOTI ta manera un Jamboree pero ku kada partisipante ta partisipá kedando den nan mes pais. Dor di esei JOTA JOTI ta e enkuentro mundial di Scouting ku mas partisipante, ounke nan no ta físikamente huntu. JOTA JOTI ta un aktividat anual i ta tuma lugá e di tres fin di siman den luna di òktober.
Scouting Antiano ta kontentu di a logra partisipá na JOTA JOTI 2023 ku kasi 200 partisipante, kampando huntu na Ronde Klip. Hasiendo aktividatnan huntu i sera amistat, tantu lokal komo internashonal. Awaseru a tenta nos un poko pero un Scout ta perseverá.
Danki na nos rumannan di AGPNA i AJMG ku a djòin nos den e aktividat aki.
Danki na FLOW pa un bon konekshon di internèt, sin esaki JOTI lo no tabata posibel. Danki na Duraquipe i sra. Lisette Jansen pa generator i lus pa asina anochi tambe por tabatin aktividat i tambe un danki na Lovers.
