Dia 22 di yanüari nos tabatin un reunion virtual ku miembronan adulto hóben. Esaki ta un manera alternativo pa enbolbí nos adultonan hóben aún mas tantu den e desaroyo di Scouting Antiano. E partisipashon a generá hopi ánimo i speransa serka esnan mas grandi ku tambe a partisipá. Tambe tabatin partisipashon di adultonan hóben ku ta studiando den eksterior (Hulanda i Costa Rica) pero ku ke ta enbolbí komo miembro di Scouting Antiano.
Djaweps dia 11 di febrüari tabatin e di dos enkuentro virtual den kuadro di e proyekto aki (Ban Inová Scouting) i nos a yega na varios palabrashon konkretu. Pronto boso lo wak resultado di esaki.
Semper ta keda e posibilidat pa esnan ku ainda no ta parti di e proyekto aki pa djòin nos. Por hasi esaki dor di yena e fomulario ku por haña dor di scan e QR code riba e invitashon.