Invitashon pa hóben: Youth for the Sustainable Development Goals (SDGs)

Sep 27, 2020

Hey hóben,

Bo tabata sa ku sinku aña pasá, mundu a bai di akuerdo ku e “Agènda 2030 pa Desaroyo Sostenibel” ku ta konsentrá riba un kantidat di 17 Meta pa Desaroyo Sostenibel (SDGs). 

E agènda ta enserá un Plan di Akshon dirigí riba Hende, Planeta, Prosperidat i Pas ku mester keda realisá a traves di kolaborashon entre partnernan. E mishon: pa mehorá kalidat di bida i transformá mundu. Sin laga niun hende keda’tras.  E metanan aki lo no por keda realisá sin aporte di hóbennan. P’esei hóbennan tabata embolbí den kreashon di metanan aki tambe. 

Otro siman, di 28 di sèptèmber pa 2 di òktober ta tuma lugá e promé edishon virtual di Curaçao SDG Action Week. Durante e siman aki diferente grupo na Kòrsou ta bini huntu di forma virtual pa para ketu na e metanan mundial aki. Kiko nan ta nifiká pa Kòrsou? Kiko lo tin prioridat pa nos isla? Kon nos ta dal bai pa implementá algun di e metanan relevante pa Kòrsou? 

Abo komo hóben ta keda invitá pa duna bo opinion durante un kombersashon virtual ku hóbennan i pa hóbennan tokante e metanan mundial i kon pa embolbí hóben den logra desaroyo sostenibel pa Kòrsou pa aña 2030.

Ku bo partisipashon na e kombersashon bo ta duna un kontribushon balioso.

No keda afó i bin kompartí bo ideanan pa bo pais! 

Pa registrá, sigui e lenk aki: https://forms.gle/5mGVNNqfyQtLarYU8

Pa mas informashon, bishitá nos FB i instagram: SDG Curaçao2030 

Contact Us


info@scoutingantiano.org

+59997374765