Proyekto “TRESE BO TAS”

Sep 14, 2019

WILLEMSTAD – Djasabra, 14 di Sèptèmber, gruponan di Scouting Antiano e asosashon di Scout di Kòrsou a partisipá ku hopi mucha/hóbennan di e sekshonnan di Bevers, Welpen, Scouts, i Explorers kompaña ku nan lidernan na un evento organisá pa e sekshon di UNESCO (United Nations Educational Scientific and Cultural Organization) na Kòrsou ku a hiba e titulo – “TRESE BO TAS”.

Scouting Antiano a uni huntu ku UNESCO pa traha riba e proyekto di konsientisashon riba kuido di nos miedo ambiente i tambe e efekto di uso di plèstik riba e futuro di nos isla.

E kampaña “TRESE BO TAS” ta un parti di UNESCO su kampaña “BRING YOUR BAG” ku a ser lansa na e isla Jamaica. E proyekto ku a start 14 di Sèptèmber, ku un grupo di hóben di entre 4 i 18 aña.

Trese bo Tas ta konsistí di dos fase, kualnan ta edukashon i entrenamentu. Den e promé fase ta trata na enkurashá e hóbennan pa rechasá uzo di plèstik ku ta wòrdu usa un solo bahia, manera tas di supermerkado òf otro lugá ku ta hasi uzo di plèstik.

Pa ku esaki a siña e hóben pa e i su mayornan bai hasi kompra ku nan mes tas duru i reusabel asina nan no mester usa saku di plèstik ku ta wòrdu benta afó despues di un uso.

Den e di dos fase e hóbennan lo risibí entrenamentu i instrukshonnan nesesario pa por traha riba disposishon di sushi i risaikel. Huntu ku esaki nan ta risibí tambe e konosementu pa lanta nan propio negoshi riba e tereno di resiklá plèstik

Contact Us

13 + 11 =

info@scoutingantiano.org

+59997374765